16 февраля 2023, 10:03
Татар халкының бөек улы, герой шагыйрь Муса Җәлилнең туган көнендә Иске Кулаткы 1 нче номерлы урта мәктәбендә "Синең батырлыгың гасырларда сакланыр" дип исемләнгән әдәби-музыкаль чара узды. Башлангыч сыйныфлар укучылары шагыйрьнең ялкынлы шигырьләрен сөйләделәр, аның тормыш юлы һәм иҗаты белән таныштырдылар. М.Җәлилнең шигьри җыентыклары, аның турындагы истәлекләр белән баетылган күргәзмә дә укучыларның игътибарын җәлеп итте. Бәйрәм чарасы патриотик рухта үтте.
Фотографии
